என்னவளின் நினைவுகள்...

சாட்டையடிபட்டது போல
நெஞ்செல்லாம் ரணமிருக்கு...
வரி வரியா தழும்பிருக்கு....
நித்தமிங்கு பெய்த மழை
உன் நிலம சொல்லியிருக்கு....!
















நித்தம் நிதம் போகும் தேரு....
அதுபாட்டுக்கு போகுதடி...
உள்ளிருக்கும் சாமி மட்டும்
உம்மடியிலியே கிடக்குதடி....!

நெத்தியில வெச்ச முத்தத்தில
உன் உச்சந்தல வாசம்....
உள்ளுக்குள்ள இருக்குதடி ...
எம்மனசு அதநெனச்சு ஏங்குதடி...!

கடைசியா பாக்கனூன...
எனக்கு அது புரியலியே....
இன்னும் பாக்கலியே...
பாக்கவும் வழியில்லையே...!

இனி, நீ சொன்ன சொல்ல
தட்டமாட்ட - ஆனா
இனி எனக்கு சொல்ல
ஆளில்லையே...!

அடிச்சிருந்த,ஏசிருந்தா
என்னதேடி வந்திருப்ப....
அப்பாவோட கண்ணீர்ல கலங்கீட்டியோ...
பாசத்துல பயந்துட்டியோ....!

நீ சாஞ்சபோது நெஞ்சுமேல
பாரமில்ல ஆனா இப்ப நீயுமில்ல
பாரம் ரொம்பா கூடிருச்சே....!